అక్కినేని కుటుంబం పేరు నిలబెడతా.!

35

స‌మంత ఇప్పుడు అక్కినేని స‌మంత‌గా మారింది. ట్విట్ట‌ర్‌లో త‌న పేరు ముందు అక్కినేని చేర్చుకొంది. రేపు వస్తున్న ‘రాజు గారి గది-2’లో కూడా పేరును అక్కినేని స‌మంత‌గానే వేయబోతున్నారట. నాగ చైతన్యతో పెళ్ళి కాగానే ఈ పేరు త‌న‌పై మ‌రింత బాధ్య‌త పెంచిందంటోంది స‌మంత‌.

‘రాజుగారి గ‌ది 2’ ప్రెస్ మీట్లో స‌మంత మాట్లాడింది. అక్కినేని స‌మంత‌గా మీపై ఒత్తిడి ఉందా? అని అడిగిన ప్ర‌శ్న‌కు త‌న‌దైన శైలిలో స‌మాధానం చెప్పింది. ‘అక్కినేని కుటుంబంలో మహిళలకు ప్రాముఖ్యత ఎక్కువ ఇస్తారు. అమ‌ల‌, సుప్రియ ఇలాంటి స్ట్రాంగ్ ఉమెన్ ఈ కుటుంబంలో ఉన్నారు. అది నాకు మ‌రింత బ‌లాన్నిచ్చే విష‌యం. ఈ కుటుంబం నాపై ఎలాంటి ఒత్తిడి పెట్ట‌దు. కానీ నేను మాత్రం బాధ్య‌త‌గా వ్య‌వ‌హ‌రించాల్సిందే. అక్కినేని స‌మంత‌గా నాకొన్ని బాధ్య‌త‌లు ఉన్నాయి. ఈ కుటుంబం పేరు నిల‌బెడ‌తా” అని చెప్పింది.

చైతూతో పెళ్ళి గురించి మాట్లాడుతూ ‘ఎనిమిదేళ్ల స్నేహం మాది. నా బెస్ట్ ఫ్రెండ్‌ని పెళ్ళి చేసుకొన్నా’ అని చెప్పింది. మ‌రోవైపు నాగ్ కూడా స‌మంత గురించి ఆస‌క్తిక‌ర‌మైన సంగ‌తులు చెప్పుకొచ్చాడు. త‌న అభిమాన క‌థానాయిక‌గా స‌మంత పేరు చెప్పాడు నాగ్‌. ఏం మాయ చేసావే చూసిన వెంట‌నే స‌మంత‌కు ఫోన్ చేసి అభినందించాడ‌ట‌. ఈ సినిమా క్లైమాక్స్‌లో స‌మంత అద్భుతంగా న‌టించింద‌ని, ఇప్ప‌టి వ‌ర‌కూ స‌మంత చేసిన సినిమాల్లో ఇదే అత్యుత్త‌మం అని, అయితే ఇలాంటి సినిమాలు స‌మంత మ‌రిన్ని చేయాల‌ని ఆకాంక్షించాడు నాగ్‌. ఆల్ ది బెస్ట్ అక్కినేని సమంత.!

SHARE